الحيا شعبة من شعب الأيمان بس مو لدي الدرجة

[b]السلام عليكم و رحمة الله و بركاته
أهليييييين كيفكم اكيد تمام اليوم حبيت اكتب موقف صار مع أختي لوليا ايلي في المنتدى ايلي هيا (LOLO222)
عرفتوها صح و المناسبة انها اهانتني قدامكم وانا ما ارضى احد يهينني .
المهم نحن نزلنا جدة و كان معانا جدتي و خالي و خالي التاني المهم نحن كنا في فندق جدة وستن و كنا صغار كلنا انا كان عمري 9 سنين اما اختي لولو كان عمرها 13 سنة و خالي الصغير كان عمره 20 سنة كان في هادا الفندق مسبح و كمان في كل دور يحطو فاكهة زي الدور ايلي كنا فيه ايلي هوا الدور التاسع كان فيه تفاح للضيافة اما نحن المشفوحين اخذناه كله>>افتكر بابا يقول خدوا حبتين حبتين اما نحن ما صدقنا يقولنا خدو فاخدنا السله كلها مشاااااااااافيييح و انا منهم خخخخخ.
المهم كلنا نزلنا تحت عند المسبح و كلنا كمان سبحنا ما عدا خالي ايلي عمره عشرين كان يسبح و هو لابس تيشرت فقال له المصري.
المصري: دا يصحش لازم تئلع البلوزة
طبعا كلكم مستغربين ليش خالي ما رضي يفصخ البلوزة و السبب هوا هوا هوا.....انه يستحيييييي>>مرة الحيا مقطع بعضه صحيح انه الحيا شعبة من شعب الايمان بس مو لدي الدرجة.
خالي الصغير: بس انا ما اقدر اسبح الا بالفلينة.
المصري: طب اينزل في الليل و ما حدش ها يشوفك
خالي: طيب.
المهم خالي الصغير هوا و اختي لوليا مسوين عصابة يعني هما دااااايم مع بعض في الحلوة و المرة المهم نزلوا في الليل و سبحوا و لعبوا بالمويه و سو كل شي و بعد كذا تعبوا و قالت اختي لوليا.
لوليا: (....) خلينا نطلع فووووق انا تعبت
خالي: طيب يلا نطلع.
المهم هما نسو الدور ايلي نحن فيه فقام قال خالي.
خالي: افتكر انو كان الدور التامن .
لوليا: ايوة هوا الدور ايلي نحنا فيلو.
المهم راحوا الدور التامن فلما فتح الاصنصير لقيوا صحن شعير >>تفتكروا لما قلت انو الدور حقنا فيه تفاح حق الضيافة لا هنا حاطين شعير.
لوليا: (....) مو الدور ايلي نحن فيلو مو فيه تفاح اخضر.
خالي: يا شيخة يمكن غيروه يلا بسرعـــــة خلينا نروح السويت.
لوليا: طيـــــــــــــــب.
طبعا احنا عارفين انو الممرات تشبه بعض في الفنادق فهما اتجهوا بنفس اتجاه السويت حقنا المهم دقوا الباب على نفس الغرفة ايلي هيا تمثل دور غرفتنا المهم هما دقوا زي هدولاك ايلي في الافلام شفتوا كيف يطقطقوا الباب اقتحاااااااااااام (( طرقع طرقع طرااااااااااااااقيع)) و بقوة بعد
المهم خرج لهم واحد سوري دووووووبة مرررررررة و كااااان وجهه احمر ما ادري يمكن من النوم و لا يمكن من العصبية الله اعلم المهم قال لهم السوري بعصبية .
السوري بصراخ: فيــــــــه إيــــــــــــــه شـــــوبـــــكـن.
ما مداه يكمل كلامه الا و لوليا و خالي يشردوا و يجروا ذاااااااك الجري لو جريو في مارثون كان فازوا و طلعوا الدلوخ الاتنين الدور التاسع و اتأكدوا انو فيه سلة التفاح حقة الضيافة و ما تابوا اخدوا منها حبتين حبتين و دقوا باب السويت و علطول بابا فتح لهم و بكذا انتهى الموقف.
هههههههههاي انا احلى شي عجبني لما قال خالي انو يستحي بس كانت هذي ايام مررررررررة حلووووة.
آآآآآآآآآآرآآآآآآآآئكـــــــمـــــــ