قال حقوق المرأة قال...

قال حقوق المرأة ... قال
> >
> >
> >
> > ما يرفع ضغطي شي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر .... سبحان الله .. يعني كانوا من ألف وأربعمية سنه نايمين ... وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
> >
> > يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك .... عشان تناقشي مشروع إنتخابي؟ هادا من تمام الفضاوه.
> >
> > طيب قولوا لوح ْ ده زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
> >
> > أما عن حقوق المرأة في السعودية ..... فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ....وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .... أبدا...إن الثور يحس؟ ............لايمكن. لكن هل يمكن يحصل هادا في السعودية؟ أبدا ... واللي يبغى يجرب ...... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل ... والا هي أحسن مِنُّو؟
> >
> >
> >
> > قال حقوق المرأة .... قال.
> >
> >
> >
> > منظر عام
> >
> > رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... و تلاتين باكستاني... وخمسين سعودي... واثنين معقبين معاهم شوية فواتير مقاس إكس لارج ... وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ......... خليني في الطابور ..... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .......... والأحوال .. والتأمينات .. ويقدر أحد ... يقول إنه من ظهر أبوه ..... يفتح فمه؟ ... على طول يسمع العبارة الشهيرة ...... ( عيب عليك .... إنت ما تستحي؟ ... هذه حرمة...إنت ما عندك أهل!)) ....ويضطرالراجل إنُّه ينكتم ويسكت ...... بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
> >
> > قال حقوق المرأة ... هه!
> >
> > اقتصاديا
> >
> > شوف الراجل... السبع... الغضنفر... المفتري...لُه ثوبين أو ثلاثة في السنة ... يروح بيها العمل، ويحضر بيها عزايم وزواجات، ويقابل بيها كبار المسؤولين، الخ، الخ، الخ. والمرأة بسلامتها ... بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت ...... لأ. دا بَس للخروج ... وقيمة صباع روج والا علبة بودره تساوي قيمة جوال جوزها ...... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ...........وشنطه. وكمان خُدوا هادي ......... سابع بنت عمي ..... ملكة أخت جارتنا ......... ولازم هديه ... واللطخ يدفع ..... مو مهم الفلوس جات من فين ........ المهم يدفع ....... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...
> >
> >
> >
> > قال إيه! حقوق المرأة.
> >
> > نفسيا
> >
> > الزوج مطالب يكون أربعة وعشرين ساعة رومنسي ومبتسم ، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! و ا لا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا ..... بزورتك ) طفَّشوني ... إيش رأيك نغير غرفة النوم؟ التلفون ما فيه حراره .... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... .... ... ... ومع هادا كُّلو ..لازم يبقى رومانسي.
> >
> > بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو ...... إيوه... أنا .. حتكون مين يعني؟... المهم ....... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
> >
> > وفي رمضان: تعبت ...أوف ....إنت داري عن حاجه؟ أنا أبغى خدامة... أنا خلااااااااص .... ومن ثالث يوم رمضان ....مقاضي العيد من جده .........أختي جابت ملابس لها ولعيال ها .. إيش أقول َّ ك بس ... وخ ُ د مشاوير لليييييييييييل ... والراجل المسكين لما ينزل السوق مع مراتُه ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول ل ُ و فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ ... طيب إنت مو كنت معايا في السوق .... أحد قال لك لا تشتري؟
> >
> > قال إيه؟ ..... حقوق المرأة.
> >
> > شرعا
> >
> > المرأة لها حظ من أبوها ..... وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس.
> >
> > وثانيا: الرجال لازم يروحوا للمسجد خمس مرات في اليوم .. جمع وجماعات ..... حر وبرد .. ليل وصبح .. لازم يروحوا .... بينما الست تصلي تحت المكيف .... في غرفتها .. وأجرها زي الرجال تماما ...... ياعيني ......... يا عيني .. والله الإسلام أعطاكم كتير ..... وياريتو يِبان فيكم.
> >
> >
> >
> > إجتماعيا
> >
> > الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) ... وسعادتها ما تبدأ تتمكيج وتسرح شعرها إلا بعد العِشا .... وكل شويه تقول :خلَّصت ..... وهي ما سوت شي لِسَّه ... والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي ... هيا عشان لا نتأخر. المسكين يجري في الدرج (عشان ما يأخرها) .. ويشغل السياره ... ويستَنِّي بسلامتها مو أقل من ربع ساعة حتى تشَرِّف ... وطبعا ممنوع يقول لها: (إيش أخَّرِك؟) والا يا ويلو ... وبعد ما يوصلها .. يستحيل يغتنم الفرصه ويروح هو َّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق ... والباقي بعد ما توصل البيت ... يعني الرجَّال ما يلحق يشوف مِنُّو شي.
> >
> > وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف ت ِ قر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)
> >
> >
> >
> > لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب

منقوووووووووووووووووووووووووووووووووول

مشكوووووووووووووووووووووووووووووووووووووووووووووووووووووور ع الموووضوووع الرائع

والله كنت أبى أكتب دا الموضوع يا ضيوو

شكر الموضوع

موضوعك حلو وفي الصميييييييييييييم

ومن حلاوتو مافي ولا بنت ردت من القهر

Razz

احم احم ترى دوبك غلطت على

*l0o0l*
والنعم فيها

لالالالالالالالالالالالالالالالالالالالالالالالالالالالالالالالالالا

ماأصدق حجازي دبدوب يحط موضوع

حمدلله عشت و شفت دا الشي

الحمد لله

مين قد حجازيات اليوم حجازي دبدوب حاطط موضوع

المهم

أبدأ بس أناقش شويه

لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب

يعني ماشاء الله طلعتو أنتو إلي قلبكم طيب

ونحنا إلي نتحمل دمكم التقيل و غتاتتكم

مو قلبنا طيب شرير صح؟؟؟

وبعدين أنتا يعني ليش تركز على دي الحقوق والأشياء طيب تعال نروح لأشياء تانيه بعيد عن التريقه

طبعا كلنا عارفين أنو كتير من النساء

مهضوم حقهم في العمل طيب أش ذنبهم يعني على قولت كل الناس((مين قال الشغل عيب))؟

بس فين نشوف دي المقوله؟؟؟مدري <<<طبعا دي تشمل حالات كثيره في المجتمع ولا تقول مافي

أنا أعرف وحده أهلها غصبوها تدخل أدبي(هادي مو أنا سيبوكم مني وحده أعرفها) المشكله أنو العيله مرره كلاس ولا كان ما دخلوها مدرسه أهليه طيب مدام هيا تبا علمي ليش تدخل أدبي طبعا كانت حجه أهلها أنو لو دخلت علمي حيكون في دا الشي قله أدب لأنو ممكن تشتغل في مجالات فيها أختلاط أو غير كده طيب أش ذنب دي البنت ممكن تدخل أي تخصص يمنع الأختلاط طبعا دا الشي عشان المرأه مالها حق أنها تفتح شركه أو تكون بزنس ومن طبعا بتقولوا مين قال دا الشي في نساء فاتحين شركات و بيديروها طيب ممكن تعدوهم ليا بالكتير بالكتير مابيتعدو العشرين
طيب ليش؟؟؟ الحمد لله مجتمعنا صارمتفتح و متقدم كتير طيب ليش جا على عمل المرأه أو دراستها و قالو لأ بأعلى صوووت و بأقوى لغه في مجتمعنا لغه سيطره الأب

طيب نروح لشي تاني
بعيدا عن مثاليه الرجل إلي أنتا حاططها فوق(أنو الرجل لازم دايما يكون رومنسي و يضحك و دايما ضعيف....إلخ) أي رجل لازم يرجع من العمل يلاقي الغدا موجود و بعد الغدا يلاقي سريرو جاهز ليش عشنو تعبان و طول اليوم بيشتغل و أي أزعاج أو صووت حيعصب و يزعق و يزعل طبعا الموضوع يزيد صعوبه إذا كانت زوجتو تشتغل لأنو أكيد ماسوت الغدا مضبوط (عشان شغلها أش دخل شغلها ماأدري) و أنو هيا مابتهتم بيلو (عشان شغلها كمان لأنو ماخد كل وقتها لازم عشان يتأكد أنو شغلها مو ماخد وقتها أنها تقعد قدامو و هو نايم تهش الدبان عنوو طبعا ولا لو أنطفت اللمبه فجأه تجيب مروحه و تهويه) طيب يعني لازم تكون المرأه دايما متفانيه في شغلها و أربعه و عشرين ساعه بتضحك سواء في الشغل أو قدام جوزها ليش؟؟(( لأن هيا مو لازم تشتغل ممكن تستغني عن الشغل طبعا في بنات كتر أنحرموا من الشغل بعد الزواج)) الرجال بس إلي لازم يشتغل طيب تقلي أنتا غير أنتا ماحتسوي في مرتك كده لانك أصلا مو متزوج طيب أنتا لما ترجع من شغلك ماتطلب من أمك الأكل طيب أمك بتشتغل يعني مو تعبانه ممكن يكون دا مثال مبسط يعني كلكم كده و ما بتحسو يمكن الفرق أنو ممكن مرتك ما تتحملك و تزعق عليك و تقلك كفايه تعبتني أما أمك لا أنتا حياتها و قطعه منها تسويلك كل شي و هيا بتضحك

طيب أديك مثال تالت ياسيدي
أنتا لما تنام و تصحا و طفشااااااااااااااااااان تقوم بكل براءه تلبس و تاخد مفتاحك و تشغل السيااره و ماأحد يشوفك غير آخر الليل
أما المرأه لما تتجنن الله يعقلهم إن شاء الله و تبا تخرج طيب في سواق أيوه في سواق و يمكن مو موجود طيب في سياره والله على حسب يمكن خربانه يمكن مدري فيها أي مصيبه طيب تشوف أخوها ولا زوجها يلا بليييييييييز و تترجا و بعد عذاااااااااااااب و الله مافيا منتي شايفه الساعه كم (مع أنو لسه الساعه 8 ) بس تعرفو مافيه يشغل السياره و يخرج عشان يخرجها كأنها كائن منبوووذ ولا عشان أيه عشان لا تحس أنو سواق عندها بس تلاقيه مع أصحابوووو يلا قدااااااااااااااااام على طول

والله كنت أبا أحط أمثله تانيه بس المساحه ماتكفي و حاسه أني مرررررررره طولت عليكم

بس بالمختصر

يعني هوا شوف مهما قلنا و مهما زدنا

آدم مابيقدر يعيش بلا حوا و حوا مابتقدر تعيش بلا آدم

و على قوله حبيبتنا نانسي

((أنت أب و أنا أم..أنتا آدم و أنا حوا..يبقى صعب ..و يبقى ظلم..تعيش ياآدم و تموت حوا))

سوري لحد يزعل بس أنا بأناقش

طبعا دا الكلام لناس يقولوا أنو الكلام كان في الصميم و أنو نحنا مانقدر نرد

لا يابابا ترا زي ماعندكم لسان عشان تتريقو علينا و تكتبو الكلام الطويل إلي فوق

ترا حتى نحنا عندنا لسان عشان نرد

لا عاد ترا ألسنتنا ممكن تلحفكم من طولها

حمد لله مفيش حد أحسن من حد

و إذا أنتو شطااار ردو

أش تبو تقولوا كل الحريم ممكن يشتغلوا طيب خلي بنت أبوها موموافق على شغلها و تقلو أبا أشتغل

تلاقي البيت أتحول بقدره قادر لسجن أنفرادي ودا كلو عشان تبا تشتغل

و لا خلي حرمه يوم ماتسوي غدا تلاقي الأخ قالب خصمه و مايتكلم و يروح يتغدا و يتعشا و يفطر كمان عند أموو

عشان يقلها شوفها ما تطبخلي

عاد الله على الأم لما تعصب تبدأ تردح و و و و و و....إلخ

طبعا مو لازم أقول أش تسوي في الحرمه

على العموم شكرا على الموضوع

و تقبل وجودي في هذا الصفحه الرائعه

في ناس ميته من القهر ومن القهر كتبو رد اطول من الموضوع >> شكلو الاشراف حيطير

والمشكلة انو الاخ حجازي دبدوب ناقل الكلام من وحدة ست يعني يا حريم منكم وفيكم واسمها الدكتورة ليلى صالح عزوز

يعني الكلام مو من عندنا والاعتراف بالحق فضيلة >> خخخخخخخ

المهم بالنسبة للغدا تخيلي الرجال يرجع من شغلو طفشان وزهقان وتعبان وتجيكي الحرمة وتقولوابغى كذا وابغى كذا يعني الآدمي ما لحق يرتاح حتى على طووول طلباااااااات ؟؟ ولا تنسي انو في ناس اعرفهم مروا بنفس الموقف وزعلو وحقدو وسبسبو واي حاجة

يعني بالعربي الرجال ظالم ومظلوم والحرمة ظالمة وشوية مظلومة

وشكرا بس حجازي دبدوب كاتب موضوع مشكلة jocolor

لا تعلييييييييييييييييييييق

والله دوبي قريت رساله و حالتي حاله و مافيا أتكلم

لو قريت الرد قبل ماأقرأ الرساله كان رديت بس تعرف لساني مربوووووط

لما ينفك حأجي أتكلم

خخخخخخخخخخخخخخخخخخخ

بعدين ليش أنقهرر أنتا مو عارف أش تقول

يعني بالعربي الرجال ظالم ومظلوم والحرمة ظالمة وشوية مظلومة ؟؟؟؟؟؟؟

ليش شويه يعني؟؟؟

يعني لسه منتا مصدق أنو نحنا تعبانين معاكم

طيب شوف اليوم اليوم بما أنو السواق مو موجود

فنحن تحت رحمه إلي يوصلنا

يعني تخيل نحنا المفروض نخرج سته و نص و خالوووو يصحى سته و نص و عبال مايوصل لينا

يعني تأخير لماما تحت الخط الأحمر

بس أنا ولله الحمد أروح مع بابا طبعا بابا مايرجع غير متأخر و ماينام غير متأخر

فيا سلام على العذاب كيف أصحيه بشبه زعيق و تعرفني أحم أحم ما أحب الزعيق

بس أش نسوووي الله يصبرنا

و زي مابأقووول

بدون هرج زايد و ناقص

لا آدم بدون حوا و لا حوا بدون آدم

بداية تكون البشريه آدم و حوا

لازم يكون في عدل بين المراة والرجال

وه وه وه وه

في حرب عالميه قامت ولا قلتولي

ترا أنا الحكم يعني محايده

ربنا خلق الرجال و الحريم و أعطى كل واحد منهم شي

يعني صحباتي أحيانا يقولو ليش نحنا نحمل مو الرجال ليش السواقه ليش و ليش

طيب أنا مع أنو دي سنه كونيه ربنا خلق المرأه للحمل و الولاده لما فيها من الحنان

أما الرجل في أنو يكون للعمل و الصرف لأسباب أهمها بنيتو الجسميه و قدرتو على تحمل كثير من الظروف القاسيه

ما أدري دا رأيي

و أتمنى النقاش فيه

يعني أنتو اتناقشتو و كل واحد بيقول رأيو بعنصريه و تحيز لجنسو

» حقوق الوالدين
» المرأة الحكيمة
» علامات حب المرأة للرجل
» ماذا يحدث عندما تبتسم المرأة