Dr.YoOoYoOo المدير العام
عدد الرسائل : 1635 العمر : 30 الموقع : في قلب إلي يحبوني.. المزاج : منشــكحه ^_^ تاريخ التسجيل : 04/11/2008
| موضوع: الرحماااني الثلاثاء يناير 06, 2009 8:25 pm | |
| الرحماني: ((بس لبزورا)) دي الحفلة تكون في اليوم السابع للبزرة وتكون في العصريعني وتجي في دا اليوم الدايه((كلكم تعرفوها بس دحين مافي لا دايا ولا نيلا غالبا تكون ست النونو اللي قايمه بالدور دا)) تحط النونو في ((طراحه )) مرتبه ملبسه بالستان الابيض ومشغوله بالدانتيل والترتر وتدوربالنونو وتغني ((يلا معايا)):: يارب يارحماني باركلنا في الغلام ) يارب البريه باركلنا في البنيه ((والبزور وراها)) ربي سعدنا وهنانا وادانا مولود جديد منفرح قلوبنا غنينا مبروك سابع سعيد وكمان بعدها تغني:: يا دايا هري هري يا دايا بيت العري يادايا محلا مشيتك يادايا إنتي وبزراتك يادايا يا ست الكل يادايا منديلك فل يا دايا هشي هشي يا دايا بطنك تمشي يا دايا طلي في السما يا دايا عساكي العمى ياديا اركبي البابور يادايا طلي في الناظور يادياا العن ابو شيبك يادايا والمشط في جيبك والعيال يردود ياديا هري هري وبعدين تجلس الدايا على الارض ومعاهاالبزورا يعملو دائره ......... وتحط النونو في غربال كبيرمفروش بقصب وتهزو وتغنيلو ووراها الاطفال: غربلو ياغربلو حتى النونو يتغربل غربلو يا غربلو حتى االرز يتغربل غربلو ياغربلوا خلي الصايغ يعملو يعملو ساعة دهب والباقي خاتم لاموه غربلو يا غربلو حتى الحب يتغربل وبعدين ترفع صوتها وتدق الهوند وتقول
العليا العليا القبه الخضرا المجليه يردو عليها ((يستاااااااااااااهل)) وتقول كل اسمامي العيلة واحد واحد وتقول بيض الله وشهم وبعدين تبدأ تدق بالهون عند راس النون وتقول
أسمع كلام أمك ولا تسمع كلام ابوك لا تضرب أمك بس أضرب أبوك لا تعصب أمك بس عصب أبوك وبعدين يوزعوا حلاوه على الصغار والعاب وشموع وتصير حرائق في الشعر لاتذكروني بالذي مضى
| |
|
zezooo مشرف قسم المسابقات
عدد الرسائل : 1267 العمر : 32 المزاج : معتدل صباح حار ممطر ليلا تاريخ التسجيل : 03/01/2009
| موضوع: رد: الرحماااني الأحد مارس 01, 2009 9:47 pm | |
| هههههه شكرا على الموضوع ياريت لحقنا ايام زمان | |
|
7jazi skrr الأدارة
عدد الرسائل : 1267 العمر : 28 المزاج : mraa zft تاريخ التسجيل : 30/11/2008
| موضوع: رد: الرحماااني الخميس مارس 05, 2009 10:48 pm | |
| شكرا ع الموضوع الحلو
يارب ما تنسى | |
|
soso حجازي فعال
عدد الرسائل : 187 العمر : 30 المزاج : قبر يلمني ولابنت تدلني تاريخ التسجيل : 03/03/2009
| موضوع: رد: الرحماااني الخميس مارس 19, 2009 9:49 pm | |
| شكراااا على الموضوع
ايام زمان ما تتنسي | |
|